您当前的位置: 主页 > J生活台 >《我会继续留效车路士 直至球会唔再需要我 >

《我会继续留效车路士 直至球会唔再需要我

发布时间:2020-05-27 浏览量:385人次
《原创文章 欢迎转载 请列明出处 谢谢》-请支持蓝狮 Facebook专页-《我会继续留效车路士 直至球会唔再需要我 按此观看图片 .图片来源 : CHELSEADAFT城车大战前夕,韦利安接受左sportv既访问,并再一次指出自己一直都係想留效车路士,完全无谂过离开,会直到球会唔需要佢。巴西人近期状态非常火热,可以话一次又一次用表现去说服部份「反安派」既车路士球迷,其实每支球队都希望拥有韦利安这类型球员,你又知道吗?当日蓝军从同市死敌热刺手中将韦利安抢过来,时任主帅摩连奴对巴西人非常器重,原因係睇中佢拥有「无限体力回防」哩一点,就好似长气袋一样全场时间跑上跑落,无论进攻定係防守都会锲而不舍咁参与,体力永远无用完既时候,对于过去爱好使用工兵既摩连奴黎讲,哩位球员特性绝对係好洗好用,而韦利安亦甘心放弃过去喺萨克达所拥有既创造力,成为摩帅手中的猛将。但对于车路士球迷黎讲,韦利安令佢地感到百感交杂,又爱又恨。自巴西人加盟以黎,一直都确保到正选席位,间接排挤了马达、舒尔尼、沙拿等一众球迷爱好既球员。「契仔安」、「韦大帝」等名字相继出现,挪揄佢永远都唔能够喺应射则传,应传则射既时间做好处理,更有「进攻黑洞」之称。话虽如此,但韦利安总能够喺球队整体表现唔好既时候担大旗,以身作则为车路士抢得一分得一分。讲紧既就係前季,可以话球队喺近年黎最意志消沉既一季,前线攻门乏力以及防守不稳。在攻击线上,队友迪亚高哥斯达、夏萨特状态持续不稳及低迷,此时巴西人就揹起大部份进攻既责任,而且交出不俗既表现,其中罚球直接得分更加係佢既杀手锏,先后射破唔少龙门既十指关,当中更包括前皇马门将卡斯拿斯(Iker Casillas)。韦利安亦有表示花左唔少心血同时间喺训练罚球之上,此举为车路士无论喺联赛抑或欧战上都抢番唔少分数,可以话尽力拯救垂死挣扎既蓝军以及当时帅位严峻既摩连奴。尽管如此,一己之力亦未能为车路士死而复生,摩连奴最终也逃不过下课既命运,更接掌下一任曼联帅印。虽然传出会将韦利安成为引援目标之一,但球员多次公开向车路士表明心迹,最终转会亦只闻楼梯响;自干地上任后,已经没有当时摩连奴既「铁一般」正选位置,依加更需要比起当时努力、坚持信念去争取意大利人给予既上阵时间,而到近日对阵巴塞及曼联时,韦利安都成功争取得到以好表现回馈干地及一众球迷。也许韦利安既技术未係队中最出众,但论忠心的话绝对係球队中数一数二,亦係每支球队所希望拥有的。来源 : sportv文章最后更新时间 : 04/03/2018 10:30《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持
上一篇: 下一篇:
可能感兴趣信息